TƏLİMLƏR VƏ LAYİHƏLƏR

Kursun proqramı geniş auditoriya üçün nəzərdə tutulub, ANDOP təlimlərini tam şəkildə əhatə edir. Yəni, düzgün və sağlam qidalanma ilə bağlı biliklərini artırmaq istəyən və ya bu sahəyə yeni başlayanlar üçün uyğundur.

Kursun müddəti - 4.5 ay (həftədə iki dəfə)

ANDOP diplomu - iştirakçılara kursu bitirmə haqqında sənəd sertifikatlaşdırma nəticələrinə əsasən verilir.

Artıq çəkisi olan uşağa necə kömək etmək olar? Uşaqlar üçün balanslı pəhriz necə hazırlanır və çəki korreksiyası necə planlaşdırılır? Fərdi qidalanma proqramı hazırlamaq üçün praktik vasitələr axtarırsınız?

Bu kurs artıq çəkili uşaqlarla işləmək istəyənlərə xüsusi bilik və bacarıq  qazandıracaq. Kursu bitirdikdən sonra  uşaqların hər dövrdə inkişaf xüsusiyyətlərini anlaya biləcəksiniz. Bu xüsusiyyətləri nəzərə alaraq, uşaq üçün pəhrizi tam şəkildə, düzgün qaydada hazırlaya biləcəksiniz.

Dərslər həftədə iki dəfə onlayn rejimdə, təlimçi ilə canlı ünsiyyət formatında keçiriləcək. Kursun sonunda nəticələrə əsasən, iştirakçılara ANDOP tərəfindən sertifikat veriləcək.

Həzm sistemi xəstəliklərinin inkişaf xüsusiyyətlərini ətraflı öyrənmək istəyirsiniz? Metabolik xəstəliklərin düzgün diaqnozunu qoymaq və müalicə metodlarını tətbiq etməyi bilmək istəyirsinizmi?

Tibbi auditoriya üçün nəzərdə tutulmuş bu kursda həzm sistemi xəstəliklərinin inkişafına səbəb olan risk faktorlarını nəzərdən keçirəcəyik. Bu xəstəliklərin təsnifatını, həmçinin xəstənin vəziyyətinin pisləşməməsini elmi əsaslarla təmin edən profilaktik metodları araşdıracağıq.
Dərslər həftədə iki dəfə onlayn şəkildə, təlimçi ilə canlı ünsiyyət formatında keçirilir. Kurs dörd dərsdən ibarətdir. Kursun sonunda nəticələrə əsasən, iştirakçılara ANDOP tərəfindən sertifikat veriləcək.

 Laboratoriya testlərinin nəticələrini düzgün təhlil etmək istəyirsiniz? Bəs, alınan məlumatları bir-biri ilə əlaqələndirməyi öyrənmək? 

Həkimlər üçün "Klinik laborator diaqnostika" tədris kursu həftədə 2 dəfə (çərşənbə və şənbə günləri) ZOOM meeting platformasında canlı, onlayn-dərs formatında keçiriləcək. Kursun sonunda əldə etdiyiniz bilik və bacarıqlar ANDOP tərəfindən SERTIFIKATLA qiymətləndiriləcək.

ANDOP-da "Sağlam həyat" klubu açılır. Bu kluba hər kəs - həyat tərzini dəyişmək, sağlam və düzgün qidalanmaya keçmək istəyən istənilən şəxs qoşula bilər.

ANDOP mütəxəssislərinin nəzarəti altında  düzgün qidalanma vərdişləri haqqında əsas məlumatları alacaqsınız, müxtəlif kollektiv marafonlarda iştirak edəcəksiniz, orqanizminizin yaxşıya doğru necə dəyişdiyini, özünüzü daha rahat hiss etdiyinizi müşahidə edəcəksiniz.

2-ci tip diabetli xəstələr üçün ÇƏKİ KORREKSİYASI ÜZRƏ LAYİHƏ

ANDOP 2-ci tip diabetli xəstələr üçün nəzərdə tutulmuş çəki korreksiyası üzrə layihəyə başlayır. Layihə peşəkar mütəxəssisin ciddi nəzarəti altında qrup şəklində baş tutacaq. Bizim köməyimiz ilə siz arıqlaya biləcəksiniz. Həmçinin qida rasionunuzu düzgün təyin etməyi və sağlamlığınızla bağlı baş verə biləcək fəsadları aradan qaldırmağı öyrənəcəksiniz. 

Layihədə iştiraketmə müddəti 9 həftədir. Bu müddət başa çatdıqda belə,  çəkiyə nəzarət üçün layihədə iştirak etməyə davam edə bilərsiniz.

KETO pəhrizi ilə arıqlamaq istəyirsiniz?

Nutrisiologiya, Diyetologiya və Piylənmənin Profilaktikası Akademiyası (ANDOP) sizi 5 günlük onlayn treninqdə iştirak etməyə dəvət edir. Bu treninqdə keto diyetlər üzrə peşəkar bilik qazanacaqsınız.

Kursun sonunda əldə etdiyiniz bilik və bacarıqlar ANDOP tərəfindən SERTİFIKATLA qiymətləndiriləcək.

“Həyat kouçu” Peşəkar kouç Erkan Dəmirin müəllif kursu

ANDOP sizi Türkiyədə özünü inkişaf etdirmək və təkmilləşdirməklə bağlı metodların müəllifinin sertifikatlı kursunda iştirak etməyə dəvət edir.